އޭޝިޔާ ޕެސިފިކް ކޯޓްސް ކޮންފަރެންސްގައި މަދަނީކޯޓުން ބައިވެރިވެއްޖެ
ސިންގަޕޫރުގައި މިމަހުގެ 04 އިން 06 އަށް އޮތް އޭޝިޔާ ޕެސިފިކް ކޯޓްސް ކޮންފަރެންސް ގައި ބައިވެރި ވުމަށްފަހު، މަދަނީކޯޓުގެ އިސްޤާޟީ ޢަލީ ސަމީރު އާއި ޤާޟީ ޢާއިޝާ ޝުޖޫން މާލެ ވަޑައިގެންފިއެވެ. މިކޮންފަރެންސްއަކީ، ޤައުމުތަކުގެ ޖުޑީޝަރީއަށް އަލަށް ތަޢާރުފުވާ އިންޓަރނޭޝަނަލް ފުރޭމް ވޯކް ފޮރ އެކްސެލެންސްގެ ކޮންސެޕްޓް ތަކާއި، މިކޮންސެޕްޓްތަކަށް އަހުލުވެރި ވުމުގެ އިތުރުން ކޯޓުތަކުގެ ނިންމުންތަކާއި އިދާރީ ހިންގުން ހަރުދަނާ ކުރެވޭނެ ގޮތްތަކާއި މެދު މަޝްވަރާ ކުރުމަށް ބޭއްވުނު ކޮންފަރެންސްއެކެވެ. މިކޮންފަރެންސްގައި ދުނިޔޭގެ ތަފާތުގިނަ ޤައުމުތަކެއްގެ މަންދޫބުން ބައިވެރިވިއެވެ.